去迪士尼做足準備

　　
由未開幕講到開幕後半年，今天2006年4月20日，終於去迪士尼玩啦！yeah~

可能因為無期望所以無失望，雖然地方小，但都好盡慶而回呀！好好玩好開心呢　:)　

今次去迪士尼除了散心之外，另外就要玩換pins、同米奇米妮影合照、欣賞parade和睇煙花。入場後第一時間就梗係跑去精品店內買pins和頸繩啦，掛好之後就去等巡遊，好開心呢。跟住就去看3D show，坐木馬，排隊隊同mickey minnie影靚相，玩winnie the pooh 講故事，坐火車，坐船仔，睇泰山樹屋，欣賞Lion King show，同巴斯光年一齊擊退敵人．．．最後，終於等到8點鐘－－放煙啦，好o野！

在sleeping beauty castle前放煙花，配合卡通片歌曲和燈光效果，真是非常美麗，令我覺得自己好像活在童話故事內那樣幸福快樂，happily ever after, haha。

晚上8點15分，拖著疲累的身軀，快快樂樂地返回殘酷的現實世界中。

非常開心呢，整天都好像一個小朋友那樣，往這兒跑往那兒跑，盡情地發揮我那超乎常人的童真，哈哈哈哈哈 :p

明天，唔．．．又要做返個成年人，到新部門工作了！